Azərbaycan və Ermənistan daxilindəki bəzi qüvvələr müharibə başlatmaq istəyir – Paşinyan

Ermənistanın müvəqqəti baş naziri Nikol Paşinyan bəzi qüvvələrin yeni müharibə başlatmaq istədiyini iddia edib.
Yeniavaz.com xəbər verir ki, bu barədə “TASS” məlumat yayıb. Bildirilib ki, Paşinyan partiya qərargahında çıxışı zamanı Azərbaycan və Ermənistan daxilindəki bəzi qüvvələrin yenidən müharibə başlatmaq istədiyini bildirib:
“Zəngəzurdakı sərhəd bölgəsində istədiyimiz nədir? Məncə Azərbaycan və Ermənistan daxilindəki bəzi qüvvələr uzun müddətdir davam edən bəzi razılaşmaları yerinə yetirmək üçün müharibə başlatmaq istəyir. Bölgəyə beynəlxalq müşahidəçilərin gətirilməsini təklif etdik. Sərhədlərin demarkasiyası və delimitasiyasına təcili başlamaq lazımdır”.