"Formula 1"ə görə bulvar bağlanacaq? – AÇIQLAMA

Bu il Formula 1 yarışı tamaşaçısız keçirildiyi üçün dənizkənar bulvar ərazisi bağlı olmayacaq və şəhər sakinləri yarış həftəsinin bütün günlərində bu ərazidən gün boyu istifadə edə biləcəklər.
Yeniavaz.com xəbər verir ki, bu barədə məlumatı Formula 1 Azərbaycan Qran Prisi ilə əlaqədar trekin keçdiyi yollarda nəzərdə tutulan nəqliyyat əməliyyatlarına dair Bakı Şəhər Halqası Əməliyyat Şirkəti (BŞH), Bakı Nəqliyyat Agentliyi (BNA) və Bakı Şəhər Dövlət Yol Polisi İdarəsi (BŞDYPİ) birgə yayıb.