Azərbaycan hərbçilərinin iştirak etdiyi təlimlərdə paraşüt hazırlığı üzrə məşqlər keçirilib

Türkiyənin Konya şəhərində keçirilən Azərbaycan Ordusunun hərbi qulluqçularının da qatıldığı “Anatolian Phoenix-2021” beynəlxalq axtarış-xilasetmə təlimi davam edir.
Bu barədə Yeniavaz.com-a Müdafiə Nazirliyindən məlumat verilib.
Beynəlxalq təlimdə paraşüt hazırlığı üzrə məşqlər keçirilib. Məşqlərin keçirilməsində əsas məqsəd şəxsi heyətin paraşütlərdən istifadə vərdişlərinin təkmilləşdirilməsi, həmçinin onların döyüş və xüsusi hazırlıq səviyyəsinin daha da artırılmasıdır.
Təlim iyunun 4-dək davam edəcək.