Son 15 ildə Azərbaycanda qeydə alınan nikah və boşanmalar – CƏDVƏL

Koronavirus pandemiyası səbəbindən ötən ilin mart ayından etibarən ölkədə “Şadlıq evləri”nin fəaliyyəti dayandırılıb. Bu səbəbdən də son bir ildə qeydə alınan nikahların sayında kəskin azalma müşahidə olunur.
Yeniavaz.com açıqlanan rəsmi məlumatlara istinadən bildirir kİ, ötən ilin fevral ayında Azərbaycanda 3 871 nikah qeydə alınmışdısa, bu ilin fevral ayında rəsmi qurumlar tərəfindən qeydı alınan nikahların sayı 2 955-ə düşüb. Rəqəmlərdən də göründüyü kimi, son bir ildə qeydı alınan nikahların sayı 30% azalıb.
Lakin, maraqlıdır ki, nikahaların sayında kəskin azalma olsa da boşanmaların sayında ciddi dəyişiklik baş verməyib. Hətta bu ilin fevral ayında boşanmaların sayında artım da qeydə alınıb. Yanvar ayında ölkə üzrə cəmi 1 179 boşanma qeydə alınmışdısa, fevral ayında boşanan cütlüklərin sayı 1 238-ə, mart ayında isə 1 287-ə çatıb.
Boşanmalarla bağlı açıqlanan rəsmi məlumatlar göstərir ki, əhalinin hər 1000 düşən boşanmaların sayı 1,5-ə çatıb. Qeyd edək ki, 10 il əvvəl bu göstərici 0,9 olub.
Son 15 ildə Azərbaycanda qeydə alınan nikah və boşanmalar:

İllər	Nikahların sayı	Boşanmaların sayı
2007	79 964	7  933
2008	78 072	7 784
2009	79 172	9 061
2010	88 145	10 747
2011	79 065	11087
2012	86 852	11  730
2013	84 912	12 088
2014	68 773	12 764
2015	66 771	13 114
2016	62 923	14 514
2017	62 484	14 857
2018	63 869	17 148
2019	58 317	15 635
2020	32 437	13 439
2021 yanvar-mart	10 334	3 704