Türkiyədə hər 4 gəncdən biri işsizdir - RƏSMİ

Bu ilin mart ayında Türkiyədə işsizlərin sayı 59 min nəfər artaraq 4 milyon 236 min nəfərə çatıb. Nəticədə ölkədə işsizlik səviyyəsi 13,1% olub.
Yeniavaz.com Türkiyə Statistika İdarəsinin açıqladığı sonuncu göstəricilərə istinadən bildirir ki, mart ayında Türkiyədə gənclərin (15-24 yaşlarında) 25%-i işsiz olub. Bu isə o deməkdir ki, Türkiyədə hər 4 gəncdən biri işsizdir. 
İşləyən insanların sayı isə əvvəlki ay ilə müqayisədə 550 min nəfər artaraq  bu ilin mart ayında 28 milyon 89 min nəfər olub. İşləyən insanların 28,9%-i isə qeyri-rəsmi olaraq çalışıb.
Qadınlar arasında işsizlik səviyyəsi 16,5% olub. Gənc qadınlar (15-24 yaşlarında) arasında isə işsizlik səviyyəsi 30,9%-ə çatıb.