ABŞ çinli alimlərin son altı ildə koronavirus da daxil olmaqla bioloji silahlar üzərində araşdırmalar apardığını iddia edib.
Yeniavaz.com “Daily Mail” qəzetinə istinadən xəbər verir ki, bu barədə ABŞ Xarici İşlər Nazirliyi xəbər yayıb. Məlumatda Üçüncü Dünya Müharibəsi başlayacağı halda Çinin bioloji silahlardan istifadə edə biləcəyi ilə bağlı sənədlərin tapıldığı vurğulanıb.
Sənədlərdə Pekin rəhbərliyinin bioloji silahlardan mümkün Üçüncü Dünya Müharibəsi üçün hazır ssenari kimi istifadə edə biləcəyi göstərilib. ABŞ tərəfindən əldə olunmuş sənədlərdə bu layihə müharibə şəraitində “əsas qələbə silahı” adlandırılıb. Məlumatda Üçüncü Dünya Müharibəsinin kimyəvi və nüvə silahları ilə deyil, bioloji silahlarla aparılacağı göstərilib.
Tətbiqimizi yükləyə bilərsiniz
