NATO baş katibi Yens Stoltenberq çox sayda rus əsgərinin hələ də Ukrayna sərhədində qaldığını iddia edib.
Yeniavaz.com “TASS”a istinadla xəbər verir ki, Stoltenberq aprel ayında Rusiya qoşunlarının Ukrayna sərhədindən tam şəkildə çıxmadığını bildirib:
“Rusiya ordusunun bir hissəsinin Ukrayna ilə sərhəddən geri çəkilməsini qeyd etdik, ancaq on minlərlə rus hərbçisi hələ də Ukrayna sərhədindədir. Bölgədə ciddi dərəcədə Rusiyanın hərbi varlığı qalmaqdadır. Bununla bağlı müzakirələr aparacağıq”.
Qeyd edək ki, Rusiya 22 apreldə Ukrayna sərhədindən ordunun geri çəkilməsi barədə qərar vermişdi. Daha sonra çox sayda hərbçinin cənub bölgəsində təlimləri bitirərək hərbi hissələrə qayıtdığı açıqlanmışdı.
Tətbiqimizi yükləyə bilərsiniz
