![](https://cdn.yeniavaz.com/uploadedfiles/custom/2021/4/30/1/ba4a063a-98e4-40d9-abea-d899eb7bb466/qirgizistan-tacikistan-ordu.jpg)
“Silahlı qarşıdurmanın baş verdiyi Qırğızıstan-Tacikistan sərhədində vəziyyət sabitləşib”.
Yeniavaz.com “TASS”a istinadla xəbər verir ki, bunu Bişkekdəki brifinqdə Qırğızıstan Milli Təhlükəsizlik Dövlət Komitəsinin Sərhəd Xidmətinin informasiya və analitik şöbəsinin müdiri Mirzamir Sıdıkov deyib. O bildirib ki, vəziyyət artıq normallaşıb və bölgədə partlamamış hərbi sursatların zərərsizləşdirilməsi prosesi gedir.
Xatırladaq ki, 29 aprel tarixində Qırğızıstan-Tacikistan sərhədində vəziyyət gərginləmişdi. Qarşıdurma nəticəsində hər iki tərəfdən ölən və yaralananlar olmuşdu.