Gəncədə yolların təmirinə 4 milyon manat ayrıldı

Gəncə şəhər Mənzil-Kommunal Təsərrüfatı İstehsalat Birliyi tərəfindən keçirilən tender müsabiqəsinin qalibi məlum olub.
Yeniavaz.com xəbər verir ki, tender müsabiqəsinin qalibi "Gəncə Körpü Tikinti-2" ASC şirkəti olub.
"Gəncə Körpü Tikinti-2" ASC Gəncə şəhər Mənzil-Kommunal Təsərrüfatı İstehsalat Birliyinin sifarişi əsasında Gəncə şəhərində yolları təmir edəcək və bu iş üçün  3 milyon 971 min 349 manat 16 qəpik alacaq.
Məlumat üçün bildirək ki, "Gəncə Körpü Tikinti-2" ASC şirkəti 11.07.2002-ci ildə dövlət qeydiyyatına alınıb. Nizamnamə kapitalı 143 min 104 manat olan MMC-nin hüquqi ünvanı Bakı şəhəri Nəsimi rayonu, Süleyman Rüstəm ev 47-də yerləşir. ASC-nin qanuni təmsilçisi Rzayev Süleyman Qənbər oğludur.