![](https://cdn.yeniavaz.com/uploadedfiles/custom/2019/9/6/1/958c7a30-1324-46a2-bb2d-29a543abcc2a/odun-agac.jpg)
Mədəniyət Nazirliyinin Lənkəran Regional Mədəniyyət İdarəsi tərəfindən keçirilən tender müsabiqəsinin qalibi məlum olub.
Yeniavaz.com açıqlanan rəsmi məlumatlara istinadən bildirir ki, tender müsabiqələrinin qalibi “Avangard As Constraksen” MMC (VÖEN- 1804937821) olub.
Mədəniyət Nazirliyinin Lənkəran Regional Mədəniyyət İdarəsi “Avangard As Constraksen” MMC-yə odun yanacağı üçün 30 min 430 manat ödəyəcək.
Məlumat üçün bildirək ki, “Avangard As Constraksen” MMC – 17.07.2020-ci il tarixində dövlət qeydiyyatına alınıb. Təxminən bir il əvvəl yaranan və 30 min manatlıq tenderin qalibi olan MMC “Bakı şəhəri Sabunçu rayonu, Zabrat ŞTQ, 2-ci Zabrat dairəsi ev. 133, m. 72” ünvanında qeydiyyatdadır. Nizamnamə kapitalı 10 manat olan MMC-nin qanuni təmsilçisi Vəliyev Yusif Jumavay oğludur.
Qeyd edək ki, 17.07.2020-ci il tarixində Bakı şəhəri Sabunçu rayonu, Zabrat ŞTQ, 2-ci Zabrat dairəsi ev. 133, m. 72” ünvanında Vəliyev Yusif Jumavay oğlunun qanuni təmsilçi olduğu “Caspian As Təchizat” və “Rusıko Az Ltd” adlı daha 2 şirkət qeydiyyatdan keçirib.
Maraqlı məqamlardan biri də odur ki, ötən ilin iyul ayından bu ilin yanvar ayına kimi – 7 ay ərzində “Avangard As Constraksen” MMC-nin dövlət qeydiyyatına alındığı ünvanda nə az, nə çox düz 122 şirkət qeydiyyata alınıb. Bu şirkətlərin bir-neçəsinin qanuni təmsilçisi eyni şəxslər olub. Bundan başqa həmin ünvanda qeydə alınan şirkətlərin əksəriyyətinin nizamnamə kapitalı 10 manat təşkil edir. MMC-lərin adlarındakı “az Ltd”, “az Constraksen”, “az Grup” və s. kimi uzantılardan da açıq şəkildə görünür bu şirkətləri bir-birinə bağlayan hansısa “sirli güc” var. Bu şirkətlərin bir çoxu dövlət qurumlarının keçirdiyi tenderlərdə qalib olublar.
7 ay ərzində “Sabunçu rayonu, Zabrat ŞTQ, 2-ci Zabrat dairəsi ev. 133, m. 72” ünvanında dövlət qeydiyyatına alınan şirkətlər bunlar olub:
![](https://cdn.yeniavaz.com/uploadedfiles/custom/2021/4/27/1/ab07a41d-68af-45e8-8adc-52c6d2c7494e/zabrat-133-1.jpg)
![](https://cdn.yeniavaz.com/uploadedfiles/custom/2021/4/27/1/8812c692-6a72-4ce3-9a24-4987908fa93a/zabrat-133-2.jpg)
![](https://cdn.yeniavaz.com/uploadedfiles/custom/2021/4/27/1/21ec9d03-c395-441a-ae00-49d31f9c5f66/zabrat-133-3.jpg)