Dövlət Sərhəd Xidmətinin rəisi general-polkovnik Elçin Quliyev yaxın zamanlarda öz vəzifəsi ilə vidalaşaq. Onun yerinə DSX rəisinin müavini, Sərhəd Qoşunlarının komandanı general-leytinant Araz Məmmədov təyin ediləcək.
Yeniavaz.com xəbər verir ki, bu barədə Gununsesi.info-ya DSX-dakı mənbələrdən informasiya daxil olub. Məlumata görə, bu təyinatla bağlı artıq Elçin Quliyevin özünün də bilgisi var.
Bir müddət əvvəl DSX-da keçirilən antikorrupsiya əməliyyatlarının istintaqı ilə bağlı araşdırmaların nəticəsi Elçin Quliyevin yola salınmasını qaçılmaz edib.
Faktiki olaraq DSX-ya rəhbərliyi Araz Məmmədov həyata keçirilir.
Yeni hərbi hissələrin açılışından tutmuş digər məsələlərin həllini ali rəhbərlik Araz Məmmədovla qərarlaşdırır.
Mənbə onu da deyib ki, DSX rəisi postuna Araz Məmmədovun müəyyən edilməsi təsadüf olmayıb.
Belə ki, adıçəkilən xidmətdə Elçin Quliyevlə uzun müddət konfilikt münasibətində olan şəxs məhz Araz Məmmədov olub.
Hətta onun general-leytenant alması Elçin Quliyevin başı üzərindən olub. Belə ki, Elçin Quliyevin DSX zabitlərinin ali hərbi rütbələrinin artırılması ilə bağlı Prezidentə yolladığı təqdimatında Araz Məmmədovun adı olmasa da “yuxarıdan” gələn zənglə bu məsələ öz həllini tapıb.
Ancaq rütbələrin verilməsi mərasimində Elçin Quliyev öz müavininə yeni rütbəni təqdim etməkdən imtina edib.
Tətbiqimizi yükləyə bilərsiniz
