Vətən müharibəsi şəhidi dəfn edilib - YENİLƏNİB

Azərbaycan Ordusunun Vətən müharibəsində yaralanıb, 6 ay komada qalandan sonra şəhid olan hərbi qulluqçusu Hüseyn Xəlilov dəfn edilib.

Şəhid Sabunçu rayonunun Nardaran qəsəbə qəbiristanlığında torpağa tapşırılıb.

***09:33
Azərbaycan Ordusunun Vətən müharibəsində yaralanıb, 6 ay komada qalandan sonra şəhid olan hərbi qulluqçusu Hüseyn Xəlilovla vida mərasimi keçirilir.

Yeniavaz.com Report-a istinadən xəbər verir ki, mərasimdə Sabunçu Rayon İcra Hakimiyyətinin rəhbərliyi, ictimaiyyət nümayəndələri və şəhidin yaxınları iştirak edirlər.

Mərasim başa çatandan sonra H.Xəlilov Nardaran qəsəbə qəbiristanlığında torpağa tapşırılacaq.

Qeyd edək ki, H.Xəlilov Bakının Sabunçu rayonunun Nardaran qəsəbəsində doğulub. Vətən müharibəsi zamanı Şuşa uğrunda gedən döyüşlərdə ağır yaralanıb. Altı ay komadan qalandan sonra aprelin 25-də şəhidlik zirvəsinə ucalıb.

Allah rəhmət eləsin!

***00:09
Vətən müharibəsində yaralanan hərbçimiz şəhid olub.
Şuşa şəhəri uğrunda gedən döyüşlərdə ağır yaralanaraq hospitala yerləşdirilən Sabunçu rayonu, Nardaran qəsəbə sakini Hüseyn Rasim oğlu Xəlilov bu gün şəhid olub.
Allah rəhmət eləsin!