Rusiya Ukrayna sərhədindən ordunu geri çəkməyə başladı

Rusiya Müdafiə Nazirliyi ölkənin cənub sərhədində yerləşdirilən ordunu geri çəkməyə başlayıb.
Yeniavaz.com “TASS”a istinadla xəbər verir ki, bu barədə həmin hərbi hissənin komandanlığı jurnalistlərə açıqlama verib. 
Qeyd edək ki, Rusiyanın müdafiə naziri Sergey Şoyqu dünən Krıma səfər etmişdi. Daha sonra bölgədə ordunun təlimlərinin bitdiyini və yaxşı nəticə əldə edildiyini vurğulayaraq hərbçilərin geri qaytarılmasına qərar verdiyini açıqlamışdı.