Türkiyədə Milli Suverenlik və Uşaq Bayramı Günü münasibətilə komendant saatı tətbiq ediləcək.
Yeniavaz.com Türkiyə mətbuatına istinadla xəbər verir ki, komendant saatı 22 aprel saat 19:00-dan etibarən qüvvəyə minəcək və 26 aprel 05:00-a qədər davam edəcək. Komendant saatı müddətində Türkiyə sakinləri və yaşayış icazəsi olan şəxslər yalnız, saat 10:00-dan 17:00-a qədər ən yaxın ərzaq mağazalara və apteklərə getmək üçün çölə çıxa biləcəklər.
Qeyd edək ki, Türkiyədə bu günə qədər 4 milyon 446 min 591 nəfər koronavirusa yoluxub, 36 min 975 nəfər isə həmin xəstəlikdən vəfat edib.