Ermənistan polisi özlərini Nazirlər Kabinetinin qapılarına zəncirlənmiş müxalifətçiləri saxlayıb.
Yeniavaz.com “TASS”a istinadla xəbər verir ki, aprelin 22-də səhər saatlarında “Azatagrum” (Azadlıq) hərəkatından olan bir qrup müxalifət fəalı Baş nazir Nikol Paşinyan və Nazirlər Kabineti üzvlərinin oradan keçməməsi üçün özlərini Ermənistan hökumət binasının qapılarına zəncirləyiblər.
Etirazçılardan biri "Paşinyan və tərəfdarları binaya girməməlidir" deyə şüarlar səsləndirərək, məqsədlərini bəyan edib.