Rusiyanın Londondakı səfiri Andrey Kelin Ukraynaya sərt xəbərdarlıq edib.
Yeniavaz.com xəbər verir ki, bu barədə Kelin “BBC”yə müsahibəsi vaxtı məlumat verib. Səfir iki ölkənin müharibə müharibə etmək ehtimalının olmadığını bildirib. O həmçinin vurğulayıb ki, əgər Ukrayna Donbasa əsgər göndərərsə, o halda bölgə qan gölünə çevrilər. Bundan başqa Andrey Kelin bildirib ki, Rusiya “Minsk” sazişinə tamamilə əməl edir.
Xatırladaq ki, Ukraynanın Baş Qərargah rəisi Ruslan Xomçak çıxışında Rusiyanın təlim məqsədilə ilə Ukrayna sərhədlərinə qoşun yığdığını bildirmişdi.
Qeyd edək ki, Rusiya və Ukrayna sərhədində baş verən gərginlik nəticəsində hər iki ölkə bölgəyə hərbi birliklərini gətirməyə başlamış, Ukrayna Rusiyanın Donbas və Krıma 80 min hərbçi yığdığını bildirmişdi. Rusiya mətbuatı isə Rusiya Müdafiə Nazirliyi tərəfindən hərbi birliklərə “müharibəyə hazır olun” əmrinin verildiyini vurğulamışdı.
Tətbiqimizi yükləyə bilərsiniz
