Şəkidə məktəblini maşın vurub öldürdü

Şəkidə ölümlə nəticələnən yol qəzası baş verib.
Yeniavaz.com APA-ya istinadla xəbər verir ki, hadisə günorta saatlarında Yevlax-Zaqatala-Gürcüstan sərhəd magistral yolunun 35-ci kilometrliyində, Şəki rayonunun Böyük Dəhnə kəndi ərazisindən keçən hissəsində qeydə alınıb. 
Balakən rayonu Qullar kənd sakini, 1996-cı il təvəllüdlü Əsəbəli Nəbi oğlu Tütünçiyev iradə etdiyi “Mersedes” markalı,  AS 866 QO dövlət nömrə nişanlı minik avtomobili ilə Yevlax rayonu istiqamətində hərəkətdə olarkən, Şəki şəhəri istiqamətində velosipedlə hərəkətdə olan, 2004-cü il təvəllüdlü Böyük Dəhnə kənd sakini Məhəmməd Ramil oğlu Namazovu vurub. 
Qəza zamanı müxtəlif dərəcəli ağır bədən xəsarətləri alan M.Namazov hadisə yerində ölüb. 
Faktla bağlı araşdırma aparılır.