Azərbaycan və Türkiyə arasında müdafiə sənayesi sahəsində əməkdaşlıq sazişi haqqında qərar Türkiyə prezidenti Rəcəb Tayyib Ərdoğan tərəfindən təsdiqlənib.
Yeniavaz.com xəbər verir ki, bu barədə Türkiyənin “Resmi Gazete"də məlumat verilib: “31 oktyabr 2017-ci il tarixində Bakıda imzalanan və 7270 saylı qanunla təsdiqlənən əlavəli “Türkiyə Respublikası ilə Azərbaycan Respublikası arasında müdafiə sənayesi sahəsində əməkdaşlıq haqqında" sazişin 9 saylı prezident qərarnaməsinin 2 və 3-cü maddələrinə əsasən təsdiqlənməsinə qərar verilmişdir”.
Qeyd edək ki, saziş 31 oktyabr 2017-ci il tarixində Bakıda Azərbaycan Respublikası müdafiə naziri Zakir Həsənov və Türkiyə Respublikasının o dövrkü milli müdafiə naziri Nurəddin Canikli arasında müdafiə sənayesi sahəsində əmədaşlıq haqqında saziş imzalanıb.
Tətbiqimizi yükləyə bilərsiniz
