Myanmada dövlət çevrilişi edən ordu tərəfindən çox sayda etirazçı qətlə yetirilib.
Yeniavaz.com BBC-yə istinadla xəbər verir ki, ötən gün Myanmada daha bir neçə etirazçı ordu tərəfindən açılan atəş nəticəsində öldürülüb. Nəticədə, Myanmada fevralın birindən bu günə qədər qətlə yetirilən etirazçıların sayı 38-ə çatıb.
Qeyd edək ki, Myanmada ordu fevralın birində dövlət çevrilişi edərək hakimiyyəti ələ keçirib. Bu hadisədən sonra minlərlə sakin ordu qiyamına etiraz olaraq mitinqlər keçirməyə başlayır. İki aya yaxındır davam edən etirazlara Myanma polisi və ordusu ən sərt şəkildə müdaxilə edir.