Bir neçə gün əvvəl İstanbulda 20 yaşlı gənc qadın Qamze Zümrüttaşın intiharına görə onun Azərbaycan vətəndaşı olan sevgilisi, 31 yaşlı X.B. saxlanılmışdı.
Yeniavaz.com "Sabah" qəzetinə istinadən xəbər verir ki, məhkəmə 31 yaşlı azərbaycanlı barəsində həbs qətimkan tədbiri seçib və o intihara təşviq etməkdə günahlandırılır.
Belə ki, gənc qadının intihar üçün istifadə etdiyi silahı ona azərbaycanlı sevgilisinin verdiyi üzə çıxmışdı.
Gənc qadının ailə üzvlərinin “Sabah” qəzetinə dediklərinə görə, Qamze 3 il əvvəl, 17 yaşı olanda evlənib. Bu evlilikdən bir qızı dünyaya gəlib. Lakin həyat yoldaşı ilə yola getmədiyi üçün ayrılıb. Daha sonra Azərbaycan vətəndaşı X.B. ilə tanış olub və onunla birlikdə Bəylikdüzündəki mənzildə yaşamağa başlayıb. Hadisədən bir ay əvvəl onların həbsdən şərti azadlığa çıxdığı bildirilir. Qamze və azərbaycanlı sevgilisinin narkotik üstündə tutulduğu deyilir. Gənc qadının intihar üçün istifadə etdiyi tapança onun sevgilisinin olub və rəsmi icazəsi yox imiş.
Tətbiqimizi yükləyə bilərsiniz
