Boliviya polisi prezidentin sabiq əvəzləyicisini çarpayının altında tapdı - FOTO - VİDEO


Boliviya polisi ölkə prezidentinin sabiq əvəzləyicisi Janin Anyesi yaxalamağa gələndə onu çarpayının altında aşkarlayıb.

Qəzetin informasiyasına görə, Anyes Benya departamentinin Trinidad şəhərindəki qohumlarının evində imiş. Hüquq-mühafizə orqanlarının əməkdaşları axtarış zamanı onu çarpayının altında yerləşən yeşikdə tapıblar.

Anyes dövlət çevrilişi haqqında təhqiqat işinin araşdırılması çərçivəsində saxlanılıb. O, ifadə vermək üçün La-Pasa aparılıb.

Anyesdən başqa keçmiş ədliyyə naziri Alvaro Koimbra, sabiq energetika naziri Rodriqo Qusman da saxlanılıblar. Prokurorluq həmçinin Anyes hökumətinin üç üzvünün, Hərbi Dəniz Qüvvələri və Hərbi Hava Qüvvələrinin sabiq komandanlarının həbsinə order verib.

Sabiq məmurlara və hərbçilərə qarşı terrorçuluq, qiyama və sui-qəsdə təhrikçilik ittihamları irəli sürülüb.


Report

DİGƏR XƏBƏRLƏR

Top