Məlum olduğu kimi, bu ildən etibarən Azərbaycanda kişilərdə pensiyaya çıxmaq yaşı 65 yaş olacaq. Qadınlarda isə 2027-ci ilədək hər il altı ay artırılaraq 65 yaşa çatdırılacaq.
Yeniavaz.com xəbər verir ki, pensiya yaşının artırılması ölkədə pensiya alanların da sayınız azalmasına səbəb olub.
Dövlət Statistika Komitəsinin açıqladığı məlumata görə, 2006-cı ildə Azərbaycanda hər 1000 nəfərin 162-si pensiya alıb. Ötən il bu göstərici 128-ə düşüb. Yəni, son 14 il ərzində Azərbaycanda hər 1000 nəfərə düşən pensiyaçıların sayı 21% azalıb.
Müqayisə üçün bildirək ki, MDB ölkələrində pensiya alanların sayı Azərbaycanla müqayisədə daha çoxdur.
Azərbaycan Dövlət Statistika Komitəsinin məlumatına görə son 14 ildə MDB ölkələrində pensiya alanaların sayı (hər 1000 nəfərə düşən say) aşağıdakı kimi dəyişib.
| 2006-cı il | 2020-ci il | Fərq | |
| Rusiya | 268 | 297 | 10,8% artıb |
| Qırğızıstan | 116 | 125 | 7,7% artıb |
| Belarus | 250 | 267 | 6,8% artıb |
| Qazaxıstan | 156 | 157 | 0,6% artıb |
| Ermənistan | 166 | 158 | 4,8% azalıb |
| Azərbaycan | 162 | 128 | 21% azalıb |
Tətbiqimizi yükləyə bilərsiniz
