Daha bir vətən müharibəsi iştirakçısı, qazimiz Yusif Cabirzadə tibb bacısı olan bir xanımla nişanlanıb. Əslən Yevlax rayonundan olan Ceyran Qurbanova artıq 6 ildir ki, Gəncə Mərkəzi Klinikasında çalışır.
Vətən müharibəsində Yusif yaralandıqdan sonra elə Ceyranın işlədiyi xəstəxanaya gətirilib. Gənclərin tanışlığı da burada başlayıb. Nişanlı olan cütlük artıq toya hazırlaşır.
Tibb bacısı Ceyran Yusifdən bəhs edir: 2 gün öncə nişan üzüyünü barmağına taxaraq, həyatını bir ömür birləşdirdiyi qəhrəmanından.
Yusif Vətən müharibəsinə könüllü yollanan oğullardandır. Füzuli və Xocavənddə düşmənə ağır zərbələr endirən qəhrəmanımız Şuşada Daşaltı əməliyyatında sağ qolundan ağır yaralanıb. Öncə Füzuli rayon Mərkəzi Xəstəxanasında müalicə alan, ardından Ağsu Xəstəxanasında əməliyyat olunan Yusif sonda Gəncə Mərkəzi Klinikasına göndərilib. Gənclərin məhəbbəti də elə burada - Ceyranın tibb bacısı işlədiyi xəstəxanada başlayır.
Zəruri ehtiyaclarını alması üçün Ceyrandan nömrəsini götürən Yusif bir neçə gün sonra elə həmin nömrə vasitəsilə öz sevgisini etiraf edib.
Gənclərin gizli məhəbbətindən isə hər kəs - xəstəxana əməkdaşları, hətta Yusif ilə eyni palatanı bölüşən əsgər yoldaşı belə xəbərsiz olub. Öncə ailələrini tanış edən gənclər martın 7-də nişanlanıblar.
Qeyd edək ki, həm də aprel döyüşlərinin iştirakçısı olan Yusif əslən Astaranın Sim kəndindəndir. Ceyran isə Yevlaxda doğulub boya-başa çatsa da, 6 ildir ki, Gəncədə işləyir. Vətən müharibəsinin 2-ci xoşbəxt cütlüyü şəhidlərimizin 1 ili tamam olduqdan sonra toy edib, Bakıda yaşamağı düşünür.
Tətbiqimizi yükləyə bilərsiniz
