Dövlət Gömrük Komitəsinin sədri Səfər Mehdiyev 2020-ci ilin yekunlarına dair mətbuat konfransında bildirib ki, 2018-ci ildə Azərbaycanda orta gömrük tarifi dərəcəsi 4,5%, 2020-ci ildə isə 5,57% təşkil edib.
Yeniavaz.com Komitə sədrinin açıqlamasına istinadən bildirir ki, 2018-ci illə müqayisədə 2020-ci ildə orta gömrük tarifi dərəcəsi 1,07 faiz bəndi artıb.
Məlumat üçün bildirək ki, yığılan vergi və rüsumların ticarət dövriyyəsinə nisbəti orta gömrük tarifi dərəcəsindən daha çox artıb. Belə ki, 2018-ci ildə yığılan vergi və rüsumların ticarət dövriyyəsinə nisbəti orta gömrük tarifi dərəcəsi 6,5%, 2020-ci ildə isə 9,5% olub. Rəqəmlərdən də göründüyü kimi, yığılan vergi və rüsumların ticarət dövriyyəsinə nisbəti 3 faiz bəndi artıb.
Yığılan vergi və rüsumların idxala olan nisbəti isə 2018-ci ildə 17,6% olduğu halda, 2020-ci idə 21,6% olub.
Qeyd edək ki, 2018-ci ildə 11 milyard 464,9 milyon dollar, 2020-ci ildə isə 10 milyard 730,7 milyon dollar dəyərində idxal həyata keçirilib. Bu dövrüdə yığılan vergi və rüsumlar müvafiq olaraq 2 milyard 20,1 milyon dollar və 2 milyard 316,5 milyon dollar olub. Rəqəmlərdən də göründüyü kimi, yığılan vergi və rüsumların idxala nisbəti daha çox 4 faiz bəndi artıb.
Yığılan vergi və rüsumların orta gömrük tarifi dərəcəsindən daha çox artması iki halda mümkün ola bilər:
1. 2020-ci illə müqayisədə 2018-ci ildə vergi və rüsumlardan yayınma halları daha çox olub.
2. 2020-ci illə müqayisədə 2018-ci ildə daha çox məhsul və yaxud şirkət vergi və rüsumlardan azad olub.
Onu da qeyd edək ki, Dövlət Gömrük Komitəsinin sədri 2018-ci ildə vergi və rüsumlardan azad olunma barədə açıqlama verməsə də, 2020-ci ildə idxal əməliyyatlarının 59%-nin tamamilə gömrük rüsumlarından azad olunduğunu bildirib.
DGK-nin sədrləri |
Aylar 2018-ci il |
Ticarət dövriyyəsi |
Tolanan vergi və rüsumlar |
Vergi və rüsumların ticarət dövriyyəsinə nisbəti |
Aydın Əliyev |
Yanvar | 1 728,5 mln. $ | 133 mln. $ | 7,7 % |
Fevral | 1 935,2 mln. $ | 129,2 mln. $ | 6,7 % | |
Mart | 1 883,7 mln. $ | 165,4 mln. $ | 8,8 % | |
Aprel | 3 131,3 mln. $ | 176,8 mln. $ | 5,6 % | |
CƏMİ | 8 678,7 mln. $ | 604,5 mln. $ | 6,9 % | |
Səfər Mehdiyev |
May | 2 547,4 mln. $ | 175,3 mln. $ | 6,9 % |
İyun | 2 096,6 mln. $ | 172,6 mln. $ | 8,2 % | |
İyul | 3 202,8 mln. $ | 189,5 mln. $ | 5,9 % | |
Avqust | 3 217,8 mln. $ | 194 mln. $ | 6 % | |
Sentyabr | 2 436,3 mln. $ | 193,7 mln. $ | 7,9 % | |
Oktyabr | 3 043,7 mln. $ | 222,4 mln. $ | 7,3 % | |
Noyabr | 2 990,6 mln. $ | 161,5 mln. $ | 5,4 % | |
Dekabr | 2 709,6 mln. $ | 106,5 mln. $ | 3,9 % | |
CƏMİ | 22 244,8 mln. $ | 1 415,6 mln. $ | 6,3 % | |
Aylar 2020-ci il |
||||
Yanvar | 2 851,2 mln. $ | 196,3 mln. $ | 6,9 % | |
Fevral | 2 185,6 mln. $ | 193,9 mln. $ | 8,9 % | |
Mart | 1 807,7 mln. $ | 192,8 mln. $ | 10,7 % | |
Aprel | 2 845,2 mln. $ | 209,9 mln. $ | 7,3 % | |
May | 1 447,9 mln. $ | 204,8 mln. $ | 14,1 % | |
İyun | 1 538,1 mln. $ | 190,4 mln. $ | 12,4 % | |
İyul | 2 356,1 mln. $ | 200,1 mln. $ | 8,5 % | |
Avqust | 1 539,4 mln. $ | 167,8 mln. $ | 10,9 % | |
Sentyabr | 1 831,4 mln. $ | 182,3 mln. $ | 9,9 % | |
Oktyabr | 2 598,7 mln. $ | 184,9 mln. $ | 7,1 % | |
Noyabr | 1 728,3 mln. $ | 185,8 mln. $ | 10,6 % | |
Dekabr | 1 741,6 mln. $ | 207,5 mln. $ | 11,9 % | |
CƏMİ | 24 471,3 mln. $ | 2 316,5 mln. $ | 9,5 % |