Yola saldığımız 2020-ci ildə Azərbaycan xarici ölkələrdən 2 milyon 199 min 390 dollar dəyərində 1 510,39 ton qabıqlı qoz idxal edib.
Yeniavaz.com açıqlanan rəsmi məlumatlara istinadən bildirir ki, idxal olunan qabıqlı qozun 1 kiloqramının gömrük dəyəri 2 manat 50 qəpik (1,4 dollar) olub.
Azərbaycan qabıqlı qoz əsasən Ukraynadan idxal edir. 2020-cu ildə Azərbaycana Ukraynadan 1 416 ton qabıqlı qoz gətirilib. Ukraynadan gətirilən qabıqlı qozun 1 kiloqramının gömrük dəyəri 2 manat 30 qəpik olub. 2019-cu illə müqayisədə Ukraynadan gətirilən qozun miqdarı 480 ton azalsa da, qiyməyi dəyişməz qalıb.
2019-cu ildə olduğu kimi, ötən ildə də Ukraynadan başqa Azərbaycan ABŞ-dan, Çilidən, Qırğızıstandan, və Rusiyadan qabıqlı qoz idxal edib.
Son 2 ildə Azərbaycana idxal olunan qabıqlı qoz ölkələr üzrə göstəricisi belə olub:
| 2019-cu il | 2020-ci il | |||
| Miqdarı | 1 kq-ın gömrük dəyəri |
Miqdarı | 1 kq-ın gömrük dəyəri |
|
| Ukrayna | 1 896 ton | 2,3 manat | 1 416 ton | 2,3 manat |
| Rusiya | 270 ton | 2,3 manat | 20,95 ton | 2,3 manat |
| Çili | 125 ton | 5,4 manat | 39,5 ton | 6,2 manat |
| ABŞ | 100 ton | 4,2 manat | 12 ton | 4 manat |
| Moldova | 88 | 3,3 manat | - | - |
| Qırğızıstan | 44 ton | 2,2 manat | 21,8 ton | 5,1 manat |
