“Euronews” Qırmızı qəsəbədən reportaj hazırladı - VİDEO

Nüfuzlu “Euronews” telekanalı Azərbaycanda yaşayan dağ yəhudiləri haqqında reportaj hazırlayıb. 
Yeniavaz.com xəbər verir ki, reportajda Azərbaycanın çoxlu sayda müxtəlif etnik qrupların vətəni olduğu bildirilib. 
Qeyd olunub ki, belə qruplardan biri də yüz illər əvvəl İrandan Qafqaz dağlarına köç edən yəhudi xalqının nəslindən olan dağ yəhudiləridir. Qırmızı qəsəbə Böyük Qafqazın şərq yamaclarında yerləşən Quba şəhərindəki bir yəhudi qəsəbəsidir. Özünəməxsus memarlıq üslubu ilə digər Azərbaycan yaşayış məntəqələrindən seçilir. Orada yaşayan insanlar çoxəsrlik ənənələrinə hörmət edir və onları qoruyur. 
Reportajda qeyd olunub ki, Azərbaycanda əsas din İslam olduğu halda, insanlar yəhudilik və digər inanclara da etiqad edir. Uzun əsrlər boyu yəhudilər və müsəlmanlar Qubada birlikdə yaşayıblar.