"Azərbaycan MDB ölkələrində əhalinin hər 1000 nəfərinə düşən pensiyaçıların sayına görə, yalnız Tacikistan, Qırğızıstan və Özbəkistandan üstündür. Bu ö deməkdir ki, həmin ölkələr istisna olmaqla digər MDB dövlətləri ilə müqayisədə Azərbaycanda orta ömür uzunluğu az və pensiyaya çıxmaq yaşı yuxarıdır".
Yeniavaz.com xəbər verir ki, bunu iqtisadçı ekspert Qubad İbadoğlu bildirib.
Q.İbadoğlunun sözlərinə görə, hesablamalar göstərir ki, gözlənilən pensiya ödənişi müddəti Azərbaycan və Tacikistanda 7 il, Özbəkistan və Qırğızıstanda 8 il, Qazaxıstanda 9 il, Gürcüstanda və Moldovada 10 il, Rusiya və Ukraynada 11 il, Ermənistanda 12 il, Belarusda 14 ildir: "Trend göstərir ki, MDB dövlətləri arasında əvvəlki illərlə müqayisədə pensiyaçıların sayı ən yüksək templə Azərbaycanda azalır".
Mənbə: MDB Statistika Komitəsi
Tətbiqimizi yükləyə bilərsiniz
