Zelenski Krımla bağlı fərman imzaladı

Ukrayna Prezidenti Vladimir Zelenski Krımın Ukrayna yurisdiksiyasına qaytarılması istiqamətində işlərin görülməsi üçün fərman imzaladı.
Yeniavaz.com “ria.ru”ya istinadla xəbər verir ki, fərmanda Krıma görə, beynəlxalq bir sammitin hazırlanması nəzərdə tutulur. Zelenski bildirib ki, sənəddə həmçinin Krım tatar dilinin, mədəniyyətinin və Krım sakinlərinin hüquqlarının qorunması və inkişafı üçün dəstək tədbirləri qeyd edilib:
"Bu gün Krım yarımadasının işğaldan çıxarılması və reinteqrasiyasına yönəlmiş müəyyən tədbirlər haqqında bir fərman imzaladım".