Xəbər verdiyimiz kimi, ötən ilin aprel ayından etibarən Dövlət Statistika Komitəsi məşğulluq xidməti orqanları tərəfindən işsiz statusu verilən şəxslərin sayını açıqlamır.
Yeniavaz.com açıqlanan rəsmi məlumatlara istinadən xəbər verir ki, işsiz statusu verilən şəxslərin sayı sonuncu dəfə 2020-ci ilin mart ayında açıqlanıb. 1 aprel 2020-ci il tarixinə olan məlumatda göstərilirdi ki, Azərbaycanda məşğulluq xidməti orqanları tərəfindən işsiz statusu verilən şəxslərin sayı 100 min 826 nəfər olub. Bu tarixdən sonra işsiz statusu verilən şəxslərin sayının nə qədər olduğu bilinmir.
Məlumat üçün onu da bildirək ki, Dövlət Statistika Komitəsi rəsmi status alan işsizlərin sayını açıqlmasa da, Naxçıvan Muxtar Respublikasının Statistika Komitəsi işsiz kimi qeydiyyata alınanların sayını açıqlayıb. 2020-ci ildə Naxçıvanda 297 nəfərə məşğulluq xidmətlərində rəsmi işsiz statusu verilib.
Qeyd edək ki, 2012-2018-ci illərdə Naxçıvanda məşğulluq xidməti orqanları tərəfindən işsiz şəxs qeydə alınmayıb. 2011-ci ildə Naxçıvanda 32 nəfərə işsiz statusu verilib. Sonrakı illərdə Muxtar Respublikada işsiz statusu alan şəxs olmayıb. Yalnız, 7 illik fasilədən sonra 2019-cu ildə Naxçıvanda 72 nəfərə rəsmi işsiz statusu verilib. Son bir ildə isə Naxçıvanda işsizlərin sayı 4 dəfə artaraq 297 nəfgərə yüksəlib.
2000-2020-cu illərdə Naxçıvan Muxtar Respublikasında işsiz statusu alan şəxslərin sayı belə olub:
İllər | İşsiz statusu alan şəxslərin sayı |
2000 | 5 812 |
2001 | 5 989 |
2002 | 6 645 |
2003 | 7 284 |
2004 | 7 737 |
2005 | 7 904 |
2006 | 7 632 |
2007 | 5 598 |
2008 | 192 |
2009 | 55 |
2010 | 52 |
2011 | 32 |
2012 | - |
2013 | - |
2014 | - |
2015 | - |
2017 | - |
2018 | - |
2019 | 72 |
2020 | 297 |