“Səfərimiz çox uğurlu keçdi. Bu iki gün ırzində çox məhsuldar görüşlər keçirdik”.
Bunu baş nazir Əli Əsədov bu gün Türkiyə-Azərbaycan Birgə İqtisadi Komissiyasının iclasından sonra deyib.
Baş nazir bildirib ki, Azərbaycana bütün məsələlərdə göstərilən dəstəyə görə qardaş Türkiyəyə minnətdardır: “Biz neçə gün ərzində çox işgüzar işlədik. Komissiyanın bugünkü iclası bir daha onu göstərdi ki, Azərbaycanla Türkiyənin mövqeyi bütün məsələlərdə üst-üstə düşür. Heç bir məsələ ilə bağlı fikir ayrılığı yoxdur. Türkiyə və Azərbaycanın qardaşlıq əlaqələri bundan sonra inkişaf edəcək”.