Bu şirkət Bakı şəhər İcra Hakimiyyətinə 6,5 milyon manatlıq nəqliyyat vasitəsi satdı

Bakı şəhər İcra Hakimiyyətinin tabeliyində fəaliyyət göstərən “Bakı Şəhər İşığı” Elektrik Şəbəkə Müəssisəsi və Bakı şəhər Fəvvarələrin İstismar İdarəsi tərəfindən keçirilən tender müsabiqələrinin qalibi “Az-Tex-İmort” MMC (VÖEN-2004502101) olub.
Yeniavaz.com xəbər verir ki, “Az-Tex-İmort” MMC Bakı şəhər İcra Hakimiyyətinin sifarişi ilə bu quruma nəqliyyat və xüsusi texnikalar satacaq. 
“Bakı Şəhər İşığı” Elektrik Şəbəkə Müəssisəsi “Az-Tex-İmort” MMC-yə 754 manat 997 manat 4 qəpik, Fəvvarələrin İstismar İdarəsi isə  967 min 775 manat 82 qəpik ödəyəcək.
Məlumat üçün bildirək ki, “Az-Tex-İmort” MMC 19.07.2017-ci il tarixində dövlət qeydiyyatına alınıb. Nizamnamı kapitalı 226 min 10 manat olan MMC-nin hüquqi ünvanı Xətai rayonu, Telnov, ev 2347/48, m. 290-da yerləşir. Qanuni təmsilçisi İbadullayev Samir Sahib oğludur.
Samir İbadullayevin qanuni təmsilçisi olduğu daha bir şirkət 06.10.2016-cı il tarixində Nizami rayonu, Qara Qarayev, ev 66 m.25 ünvanda qeydiyyata alınan “Arletta” MMC-dir.
Qeyd edək ki, açıq internet resurslarda barəsində hət hansı bir məlumat olmayan “Az-Tex-İmort” MMC son bir neçə ay ərzində Bakı şəhər İcra Hakimiyyəti, “Bakubus” və Bakı Nəqliyyat Agentliyinin keçirdiyi çoxsaylı tender müsabiqələrinin qalibi olub.
“Az-Tex-İmort” MMC son bir neçə ayda
- “Bakı Şəhər İşığı” Elektrik Şəbəkə Müəssisəsinə - 754 min 997 manat 4 qəpiklik,
-  Bakı şəhər Fəvvarələrin İstismar İdarəsinə (15.01.2021)  - 967 min 775 manat 82 qəpiklik,
- Yaşıllaşdırma Müəssisələri Baş İstehsalat İdarəsinə (10.02.2020)  - 945 min 180 manatlıq,
- Yaşıllaşdırma Təəsrrüfatı  Birliyinə (09.12.2020) - 717 min 773 manat 94 qəpiklik,
- Mənzil Kommunal Təsərrüfatı Birliyinə (04.01.2021) -  980 min 914 manatlıq,
- 3 saylı Mənzil Kommunal Təsərrüfatı Birliyinə (12.01.2021) - 912 min 820 manatlıq,
- “Bakubus” MMC-yə (03.12.2020)  - 6 milyon 869 min 236 manat 83 qəpiklik,
- Xəzər rayon Mənzil Kommunal Təsərrüfatı Birliyinə (08.12.2020) - 158 min 120 manatlıq,
- “Bakubus” MMC-yə (01.12.2020)  - 2 milyon 888 min 493 manat 69 qəpiklik,
- Bakı şəhər Mənzil Kommunal Təsərrüfatı Departamentinə (05.02.2021) - 988 min 722 manatlıq,
- Bakı Nəqliyyat Agentliyinə (05.05.2020) -  294 min 900 manatlıq müxtəlif təyinatlı nəqliyyat vasitələri satıb.

A.Cəfərov