Oğrular “Liverpul”un braziliyalı futbolçusu Roberto Firminonun evinə daxil olaraq 70 min funt-sterlinq dəyərində əşyalar götürüblər. “Yeniavaz.com”un “Lenta.ru”ya istinadən verdiyi məlumata görə, cinayətkarlar oyunçunun Liverpuldakı evini Milad öncəsi izləməyə başlayıblar. Sonra isə futbolçunun arvadı və iki uşağı ilə evi tərk etməsini gözləyiblər. Qarətçilər R. Firminonun saatlarını, zinət əşyalarını və paltarlarını oğurlayıblar. Futbolçu ailəsi ilə birlikdə müvəqqəti olaraq mehmanxanaya yerləşib. O, “Liverpul”da həftədə 100 min funt-sterlinq maaş alır.
Tətbiqimizi yükləyə bilərsiniz
