Barak Obama ABŞ prezidenti vəzifəsində verdiyi ən çətin qərar barədə danışıb. “Yeniavaz.com”un xarici mətbuata istinadən verdiyi məlumata görə, ən çətin qərarını prezident vəzifəsinə başlayanda verib. O bildirib: “Ən çətin qərarım Əfqanıstana daha 30 min əsgərin göndərilməsi barədə olub. Hərçənd digər ölkələrdə amerikalı əsgərlərin geniş şəkildə iştirakına son qoymq istyənlərdən biriydim”. Dövlət başçısının sözlərinə görə, ABŞ-ın İraqdakı kampaniyasını həmişə səhv hesab edib və diqqətin məhz Əfqanıstana yönəldilməli olduğunu bildirib: “Fikrimcə, bu, düzgün qərar idi, çünki həmin vaxt “Taliban” xeyli güclənmişdi. O vaxtdan bəri ABŞ Əfqanıstanın Silahlı Qüvvələrinə güclənməyə kömək etdi. Bundan başqa, yerüstü gücün genişmiqyaslı tətbiqindən imtina ABŞ-ın işğalçı kimi nəzərdən keçirilmə ehtimalını azaldacaq”. O, buna misal kimi İraqın Mosul şəhərində yerli qüvvələrin İŞİD terror qruplaşmasına qarşı keçirdiyi cari əməliyyatı göstərib.
Tətbiqimizi yükləyə bilərsiniz
