"New York Times" yazarı İranın gizli agenti olmaqda günahlandırıldı

Məqalələri ABŞ-ın "New York Times" qəzetində dəfələrlə dərc olunan Kaveh Əfrasiabi, İranın gizli agenti olmaqda günahlandırılıb.
Yeniavaz.com "Anadolu" agentliyinə istinadən xəbər verir ki, bu barədə ABŞ Ədliyyə Nazirliyi yazılı açıqlama yayıb. Məlumatda deyilir ki, məqalələri "New York Times"da dərc olunan və özünü Tehran Universitetinin keçmiş müəllimi" kimi təqdim edən Kaveh Əfrasiabi bu həftə həbs olunub.
Əfrasiabinin bank hesabına 2007-ci ildən bu yana İranın BMT-dəki daimi nümayəndəliyi tərəfindən 265 milyon dollar ödədiyini bildirilib.