Yaponiyada qar səbəbilə ölənlərin sayı 60-a çatıb.
Yeniavaz.com “TASS”a istinadla xəbər verir ki, Yaponiyada yağan güclü qardan sonra evlərinin damını təmizləyən 60 nəfər dünyasını dəyişib. Hökumət rəsmiləri Yaponiya Nəqliyyat və Turizm Naziri Kazuyoşi Aqaba keçirdiyi mətbuat konfransında bunun ciddi narahatlıq verici hal olduğunu deyib. O bildirib ki, evləri və ya binaları qardan təmizləyərkən ölənlərin əksəriyyəti yaşlı insanlardır. Evlərin damlarından yıxılaraq qar altında qalıb dünyalarını dəyişiblər. Bu səbəblə hökumət qarlardan təmizləmə prosesini ciddi nəzarətə götürüb.