Yola saldığımız 2020-ci ildə Böyük Britaniyanın paytaxtı London şəhərində Azərbaycan vətəndaşları tərəfindən onlarla şirkət qeydiyyatdan keçirilib.
Yeniavaz.com Böyük Britaniyanın rəsmi qurumları tərəfindən açıqlanan məlumatlara istinadən bildirir ki, Londonda yeni şirkət açanların arasında tanınmış həmyerlilərimiz də var.
Onlardan biri 1993-1999-cu illərdə Bakı şəhər Səbail rayonunun İcra başçısı olan Rüstəm Müzəffər oğlu Məmmədovdur. Rüstəm Məmmədov ötən ilin may ayında “27 Old Gloucester Street, London” ünvanında yerləşən “RM Oil Supplier Ltd” şirkətini açıb.
Məlumat üçün qeyd edək ki, bir neçə il əvvəl Rüstəm Məmmədovun adı həbs olunan Milli Təhlükəsizlik Nazirliyinin (MTN) sabiq əməkdaşlarının məhkəmə prosesində çəkilib. Mətbuatda yer alan məlumatlarda qeyd olunub ki, Rüstəm Məmmədov sabiq MTN naziri Eldar Mahmudov yaxın adamlarından olub. İddia olunur ki, Rüstəm Məmmədov xarici ölkələrdə çirkli pulların yuyulması ilə məşğul olub.
Onu da bildirək ki, Rüstəm Məmmədov Londonda şirkət açan azərbaycanlılar arasında ən yaşlısıdır (63 yaş). Böyük Britaniyanın paytaxtında şirkət açan ən gənc azərbaycanlının isə 20 ayşı var. 2001-ci ildə anadan olan İlkin Məmmədov adlı Azərbaycan vətəndaşı təxminən bir ay əvvəl - 23 dekabr 2020-ci il tarixində Londondan “Nudech Ltd” şirkətini qeydiyyatdan keçirib.
Son bir ildə Böyük Britaniyanın paytaxtı Londonda Azərbaycan vətəndaşları tərəfindən qeydiyyatdan keçirilən şirkətlərin bəzilərini təqdim edirik:
Şirkətin rəhbəri | Doğum tarixi | Şirkətin adı | Qeydiyyat tarixi |
Oqtay Məmmədov | Oktyabr 1997 | Widemill Logistics Ltd | 28 Avqust 2020 |
İlkin Məmmədov | Noyabr 2001 | Nudech Ltd | 23 Dekabr 2020 |
Samir Məmmədov | İyul 1990 | Heergo Ltd | 12 Avqust 2020 |
Rüstəm Məmmədov | Noyabr 1958 | RM Oil Supplier Ltd | 19 May 2020 |
Çingiz Məmmədov | Mart 1982 | Rifly Ltd | 27 May 2020 |
Şirxan Məmmədov | Mart 1991 | Cert Trading Ltd | 23 İyun 2020 |
Pərviz Məmmədov | Avqust 1988 | Ramissons Ltd | 13 İyul 2020 |
Ruslan Əliyev | İyul 1977 | Best4health Ltd | 18 May 2020 |
Dəyanət Əliyev | Oktyabr 1989 | Trechly Ltd | 1 Sentyabr 2020 |
Dəyanət Əliyev | Oktyabr 1989 | Graggy Ltd | 5 Avqust 2020 |
Dəyanət Əliyev | Oktyabr 1989 | Gladly Ltd | 13 İyun 2020 |
Rəşid Əliyev | Fevral 1977 | Movy Ltd | 17 Noyabr 2020 |
Abdul Əliyev | Noyabr 1990 | Pona Properties Ltd | 24 Mart 2020 |
Firudin Mehdiyev | Sentyabr 1967 | ALL Trendy Ltd | 11 Yanvar 2021 |
Ceyhun Heydərov | Mart 1992 | Poderasmedicine Ltd | 8 Sentyabr 2020 |
Elmar Cəfərov | Dekabr 1959 | Comarket Ltd | 4 May 2020 |
Rəşad Quliyev | Avqust 1980 | Caspian Logistics Services Ltd | 28 May 2020 |
Fərid Səfərov | Sentyabr 1993 | And Precious Metals Limited | 16 Aprel 2020 |
Firudin Səfərov | Oktyabr 1982 | Safarov's Consulting Ltd | 13 Noyabr 2020 |
Anar Şərifli | Fevral 1981 | Dals Air UK Ltd | 25 September 2020 |
Anar Zeynalov | İyun 1983 | Holnut Ltd | 16 Oktyabr 2020 |
Arif Babayev | İyun 1988 | Ate-Infinity Ltd | 28 May 2020 |