Tender "canavar"larının Bakıdakı "sirli" ünvanı - SİYAHI

Azərbaycan Respublikası Səhiyyə Nazirliyinin Tibbi Reablitasiya Xəstəxanası tərəfindən keçirilən tender müsabiqələrinin qalibləri məlum olub.
Yeniavaz.com açıqlanan rəsmi məlumatlara istinadən bildirir ki, tender müsabiqələrinin qalibləri arasında cəmi bir-neçə ay əvvəl qeydiyyatdan keçən şirkətlər yer alıb.
Tibbi Reablitasiya Xəstəxanası yumşaq inventarın alınması və çamaşırların yuyulması üçün 13.08.2020-ci il tarixində dövlət qeydiyyatına alınan “Cheerful” MMC ilə 27 400 manatlıq müqavilə bağlayıb.
Bundan başqa Tibbi Reablitasiya Xəstəxanası kommunal və kommunikasiya xidmətləri üçün 06.07.2020-ci il tarixində dövlət qeydiyyatına alınan “Dənizli” MMC ilə 17 000 manatlıq müqavilə bağlayıb.
Məlumat üçün bildirək ki, 17 000 manatlıq tender müsabiqəsinin qalibi olan “Dənizli” MMC-nin nizamnamə kapitalı 20 manat təşkil edib. Hüquqi ünvanı “Binəqədi rayonu, Mikrorayon 7, ev 26, m. 90”-da yerləşir. Qanuni təmsilçisi isə Əbilov Rolan Əhsən oğludur.
Qeyd edək ki, Əbilov Rolan Əhsən oğlu eyni gündə “Binəqədi rayonu, Mikrorayon 7, ev 26, m. 90” ünvanında “Yolova” MMC adlı daha bir şirkət qeydiyyatdan keçirib.
Maraqlı məqamlardan biri də odur ki, iyul-avqust aylarında “Dənizli” MMC və “Yolova” MMC-nin dövlət qeydiyyatına alındığı ünvanda onlarla şirkət qeydiyyata alınıb. Bu şirkətlərin bir-neçəsinin qanuni təmsilçisi eyni şəxslər olub.
Onu da qeyd edək ki, bu şirkətləri birləşdirən təkcə onların eyni ünvanda qeydiyyatda olması deyil, eyni zamanda şirkət adlarındakı bənzərlik də  bu şirkətlərin bir-birilə hansısa əlaqələrinin olduğunu göstərir.
İyul-avqust aylarında “Binəqədi rayonu, Mikrorayon 7, ev 26, m. 90” ünvanda qeydə alınan şirkətlərin bəziləri bunlar olub:

Adı	Ünvan	Nizamnamə kapitalı	Qanuni təmsilçi	Qeydiyyat tarixi
“Lesoto”	Binəqədi rayonu, Mikrorayon 7, ev 26, m. 90	20 manat	Hacızadə Vüsal Xaliq	04.08.2020
“Malavı”	Binəqədi rayonu, Mikrorayon 7, ev 26, m. 90	20 manat	Hacızadə Vüsal Xaliq	04.08.2020
“Samoa-LM”	Binəqədi rayonu, Mikrorayon 7, ev 26, m. 90	10 manat	Quliyev Nicad Vaqif	28.07.2020
“Uqanda”	Binəqədi rayonu, Mikrorayon 7, ev 26, m. 90	10 manat	Quliyev Nicad Vaqif	29.07.2020
“Bolıvıya”	Binəqədi rayonu, Mikrorayon 7, ev 26, m. 90	20 manat	Abbasov Elməddin Xaləddin	28.07.2020
“6ES04Y4”	Binəqədi rayonu, Mikrorayon 7, ev 26, m. 90	20 manat	Abbasov Elməddin Xaləddin	28.07.2020
“Kuala-2020”	Binəqədi rayonu, Mikrorayon 7, ev 26, m. 90	20 manat	Səmədov Səməd Salman	20.07.2020
“Petra-2020”	Binəqədi rayonu, Mikrorayon 7, ev 26, m. 90	20 manat	Səmədov Səməd Salman	20.07.2020
“Tonota”	Binəqədi rayonu, Mikrorayon 7, ev 26, m. 90	10 manat	Səmədov Bayram Salman	17.07.2020
“Tamaqa”	Binəqədi rayonu, Mikrorayon 7, ev 26, m. 90	10 manat	Səmədov Bayram Salman	17.07.2020
“Vankuver”	Binəqədi rayonu, Mikrorayon 7, ev 26, m. 90	20 manat	Abbasov Əli Fizuli	14.07.2020
“Ncamena”	Binəqədi rayonu, Mikrorayon 7, ev 26, m. 90	20 manat	Abbasov Əli Fizuli	14.07.2020
“Reliance-2020”	Binəqədi rayonu, Mikrorayon 7, ev 26, m. 90	10 manat	Mansurov Rasul Eldəniz	13.07.2020
“Netgear-2020”	Binəqədi rayonu, Mikrorayon 7, ev 26, m. 90	10 manat	Mansurov Rasul Eldəniz	13.07.2020
“Maskat-LM”	Binəqədi rayonu, Mikrorayon 7, ev 26, m. 90	20 manat	Əliyev Fərid Muxtarpaşa	10.07.2020
“Yenıera”	Binəqədi rayonu, Mikrorayon 7, ev 26, m. 90	20 manat	Əliyev Fərid Muxtarpaşa	08.07.2020
“Dənizli”	Binəqədi rayonu, Mikrorayon 7, ev 26, m. 90	20 manat	Əbilov Rolan Əhsən	06.07.2020
“Yolova”	Binəqədi rayonu, Mikrorayon 7, ev 26, m. 90	20 manat	Əbilov Rolan Əhsən	06.07.2020
“Oşuma-2020”	Binəqədi rayonu, Mikrorayon 7, ev 26.	20 manat	Təhməzov Elnur İbrahim	04.06.2020

 










































Məlumat üçün bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.
Cəmi 3-4 ay əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətlərinin hansı peşəkarlığa və təcrübəyə sahib olacağı aydın deyil.
Onu da qeyd edək ki, “Binəqədi rayonu, Mikrorayon 7, ev 26, m. 90” ünvanında qeydiyyatda olan şirkətlərdən biri -  "Maskat-LM” MMC  3 ay əvvəl yaranmasına baxmayaraq noyabr ayında Diasporla İş Üzrə Dövlət Komitəsinə 0,70x1,05 metr ölçülərində Türkiyə bayrağı satıb. Komitə MMC-dən aldığı bayraqlar üçün ümumilikdə 46 500 manat vəsait ödəyib.  
“Binəqədi rayonu, Mikrorayon 7, ev 26, m. 90” ünvanında qeydiyyatda olan “6ES04Y4” (Qanuni təmsilçinin şəxsiyyət vəsiqəsinin FİN kodu) MMC dekabr ayında Qaçqınların və Məcburi Köçkünlərin İşləri üzrə Dövlət Komitəsinin Beynəlxalq Əlaqələr, İnformasiya və Mətbuat Xidməti Departamenti tərəfindən keçirilən 26 900 manatlıq tender müsabiqəsinin qalibi olub.
“Binəqədi rayonu, Mikrorayon 7, ev 26, m. 90” ünvanında qeydiyyatda olan “Reliance-2020” MMC sentyabr ayında Qaçqınların və Məcburi Köçkünlərin İşləri üzrə Dövlət Komitəsi tərəfindən keçirilən 40 800 manatlıq tender müsabiqəsinin qalibi olub.

A. Cəfərov