Hərbi vəzifəli əsgər Yunis Mənsurov intihar edib.
Yeniavaz.com xəbər verir ki, Müdafiə Nazirliyinin mətbuat xidmətindən faktı APA-ya təsdiq ediblər.
Bildirilib ki, faktla bağlı cinayət işi başlanılıb, araşdırma aparılır.
***16:30
Vətən Müharibəsi qazisi Yunis Mənsurov yanvar ayının 7-də intihar edib.
Bu barədə qazinin yaxınları Yeniavaz.com-a məlumat verib. Bildirilib ki, əslən Xızı rayonundan olan 24 yaşlı Yunis Abşeron rayon Sulutəpə qəsəbəsində yaşayırmış. Döyüşlər başlayan zaman o, könüllü şəkildə cəbhəyə yollanıb və torpaqlarımızın işğaldan azad olunmasında aktiv iştirak edib. Dekabr ayının 30-u isə tərxis olunub və ailəsinin yanına qayıdıb.
Yaxınları bildirirlər ki, onun hansı səbəbdən intihar etməsi məlum deyil. Onların sözlərinə görə, hətta Y. Mənsurov tərxis olduqdan sonra psixoloviyası gözləniləndən də yaxşı vəziyyətdə imiş.
Qeyd edək ki, yanvarın 6-da İkinci Qarabağ müharibəsində yaralanan əsgər Vüsal Musayev də Bakıda müalicə aldığı hərbi hospitalda intihar etmişdi və bu, sosial şəbəkələrdə geniş müzakirələrə səbəb olmuşdu.
Tətbiqimizi yükləyə bilərsiniz
