Azərbaycanın bu seysmik zonalarında aktivlik olub

“2015-ci illə müqayisədə 2016-cı ildə Azərbaycanda seysmoloji aktivlik azalıb”. Yeniavaz.com xəbər verir ki, bunu APA-ya Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin direktoru Qurban Yetirmişli deyib.

O bildirib ki, ötən illə müqayisədə 2015-ci ildə seysmoloji aktivlik bir qədər artıq olub: “2015-ci ildə maqnitudası 5 olan zəlzələlər həm dənizdə, həm quruda baş verib. Ötən il İmişlidəki zəlzələdən başqa, yerdə qalan zəlzələlər zəif təkanlar idi. 2015-ci il daha aktiv il olub”.

Q. Yetirmişli qeyd edib ki, Şamaxı-İsmayıllı, şimal-qərb, Xəzər və Talış seysmik zonaları ümumilikdə aktiv olub, Orta Kür zonasında isə ciddi aktivlik olmayıb.