Azərbaycan əsgərləri Ermənistan Müdafiə Nazirliyinə məxsus 3 avtobusun Laçın dəhlizinə daxil olmasına icazə vermir.
Yeniavaz.com Ermənistan mətbuatına istinadən bildirir ki, avtobuslar 3 saatdır Gorusdakı "Sünik" restoranının yaxınlığında dayanıb.
Azərbaycan əsgərləri bildirib ki, əldə olunan razılaşmaya görə Ermənistana məxsus hərbi təyinatlı yüklərin Laçına daxil olması qadağandır.
Ermənistan Müdafiə Nazirliyi məsələ ilə bağlı Rusiya sülhməramlılarına müraciət edib. Rusiya sülhməramlıları isə bildiriblər ki, bu məsələ ilə məşğul olmaq səlahiyyətləri yoxdur.
Ermənistan Müdafiə Nazirliyi məsələ həll olunana qədər avtobusların Gorusda dayanması barədə tapşırıq verib.
Tətbiqimizi yükləyə bilərsiniz
