Co Bayden Ağ Evin ictimai əlaqələr qrupuna yalnız qadınları təyin etməklə ABŞ administrasiyası tarixində bir ilkə imza atıb.
Yeniavaz.com “Anadolu” agentliyinə istinadən xəbər verir ki, bu barədə Bayden özü açıqlama verib. O açıqlamasında komandasının təcrübəli və istedadlı olduğuna diqqət çəkib.
Bayden və onun köməkçisi Kamala Harris Cen Psakini Ağ Evin sözçüsü olaraq təyin edib.
Keyt Bedinfild Ağ Evin rabitə direktoru, Karin Cin-Pierre mətbuat katibinin müavini, Pili Tobar ictimai əlaqələr şöbəsinə müdir müavini, Eşli Etienne ictimai əlaqələr şöbəsinin direktoru, Simon Sanders vitse-prezident Harrisin baş məsləhətçisi vəzifəsinə təyin olunub.
Elizabet Aleksandranın isə Baydenin həyat yoldaşı Cill Baydenin ictimai əlaqələr şöbəsinin rəhbəri olacağı bildirilib.