"Türk müşahidəçiləri Qarabağ ərazisinə girməyəcəklər. Türkiyədən heç bir sülhməramlı Dağlıq Qarabağ ərazisində olmayacaq".
Yeniavaz.com xəbər verir ki, bu sözləri Rusiyanın Xarici İşlər naziri Sergey Lavrov deyib. O bildirib ki, Türk müşahidəçilərin hərəkət sərhədləri, Rusiya və Türkiyə müşahidəçilərinin yerləşməsi üçün keçmiş münaqişə bölgəsi olmayan Azərbaycan ərazisində ayrılacaq binalarla (Rusiya Federasiyası və Türkiyənin müşahidə mərkəzi ) məhdudlaşdırılacaq: "Türkiyə Parlamentindəki ruslarla eyni əsasda işləyəcəklərinə dair açıqlamalara gəldikdə, biz yalnız Azərbaycan ərazisində yerləşən, heç bir səfər missiyası nəzərdə tutulmayan daimi mərkəzdən danışırıq".