Almaniyalı jurnalist ermənilərlə azərbaycanlıların fərqindən yazdı

“Azərbaycanlılar "instagram"dakı köhnə pitsamı bəyəndiyi halda, yad ermənilər nifrət xarakterli rəylər göndərirlər. İnternet təəccübləndirir”.
Yeniavaz.com xəbər verir ki, bunu alman jurnalist, “Bild” nəşrinin Siyasət şöbəsinin məsul redaktoru, araşdırmaçı Yulian Röpke "twitter"dəki hesabında yazıb.
Qeyd edək ki, Y.Röpke münaqişələr üzrə ekspertdir. O, yazılarında erməni yaraqlılarının Gəncəyə hücumunu qınayıb, Ermənistanın dinc əhaliyə qarşı təcavüzü barədə məlumat verib, Ermənistan ordusunun Azərbaycan PUA-ları qarşısında acizliyindən bəhs edib. O həmçinin Ermənistan Müdafiə Nazirliyinin yalanlarını da ifşa edib.