ABŞ və Polşa arasında hərbi əməkdaşlığa dair saziş imzalandı

Varşavada Polşa-Amerika arasında hərbi əməkdaşlığın intensivləşdirilməsinə dair saziş imzalanıb.
Yeniavaz.com “TASS”a istinadla xəbər verir ki, sənədi Polşanın paytaxtında səfərdə olan ABŞ-ın dövlət katibi Mayk Pompeo və Polşanın Müdafiə naziri Mariuş Blasçak imzalayıblar. İmzalanma mərasimi prezident sarayında dövlət başçısı Andrey Dudanın iştirakı ilə baş tutub.
Saziş Amerikanın Polşadakı hərbi kontingentinin artırılmasına xidmət edəcək.