![](https://cdn.yeniavaz.com/uploadedfiles/custom/2020/7/14/1/8d94bfbc-87b6-43ca-adee-e6c92c1d127e/sehid-tabut-bayraq.jpg)
Ermənistanın Tovuz istiqamətində törətdiyi təxribat nəticəsində Azərbaycan ordusunun generalı Həşimov Polad şəhid olub.
Yeniavaz.com xəbər verir ki, iyulun 13-dən 14-ə keçən gecə Tovuz rayonu ərazisində şiddətli döyüşlər davam edib. İki sutka ərzində düşmənə sarsıdıcı döyüş zərbələri endirilib. Düşmənin 100-ə qədər canlı qüvvəsi, çoxlu sayda hərbi texnikası və mühüm obyektləri məhv edilib. Döyüşlər nəticəsində Azərbaycan Ordusu da itki verib. Səhər saatlarında döyüş zamanı general-mayor Həşimov Polad qəhrəmancasına şəhid olub.
Qeyd edək ki, 2019-cu il 24 iyun tarixində Müdafiə naziri general-polkovnik Zakir Həsənov Polad Həşimova general-mayor ali hərbi rütbəsini verib.
Şəhid olan generalın fotosunu təqdim edirik:
![](https://cdn.yeniavaz.com/uploadedfiles/custom/2020/7/14/1/b5379692-ddac-4d83-9d5f-1cbeff868dc9/polad-hesimov-foto.jpg)
![](https://cdn.yeniavaz.com/uploadedfiles/custom/2020/7/14/1/faff7be2-c456-414d-9c21-22ffb5f825f3/polad-hesimov.jpg)