Bu gün KİV-də Abşeron Rayon İcra Hakimiyyətinin binasında əməliyyat axtarış tədbirləri həyata keçirilməsi və müavinlərin həbs olunması barədə məlumatlar yayılıb.
Abşeron RİH-dən Yeniavaz.com-a daxil olan məlumata görə, qurum yayılan xəbəri təkzib edir.
Məlumatda bildirilir ki, RİH binasında əməliyyat həyata keçirilməyib və müavinlər həbs olunmayıb:
"Hazıra müavinlərin hər biri iş başındadır. Məsələ ilə bağlı Baş Prokurorluğun Mətbuat Xidməti də məlumat yayaraq bilirir ki, bəzi kütləvi informasiya vasitələrində Baş prokuror yanında Korrupsiyaya qarşı Mübarizə Baş İdarəsi tərəfindən keçirilmiş əməliyyat-axtarış tədbirləri nəticəsində Abşeron rayon İcra Hakimiyyətinin bir sıra vəzifəli şəxslərinin saxlanılması barədə dəqiqləşdirilməmiş informasiyalar yayılmışdır. Cəmiyyətdə çaşqınlığa səbəb ola biləcək informasiyaların yayılmasının qarşısının alınması məqsədilə bu qəbildən olan məlumatların Baş Prokurorluğun Mətbuat xidməti ilə dəqiqləşdirilməsi xahiş olunur”.
***12:28
Hazırda hüquq-mühafizə orqanlarının əməkdaşları Abşeron Rayon İcra Hakimiyyətinin binasında korrupsiyaya qarşı xüsusi əməliyyat keçirirlər.
Yeniavaz.com “Haqqin.az”a istinadən xəbər verir ki, əməliyyat zamanı rayon rəhbəri İradə Gülməmmədovanın bütün müavinləri saxlanılıb.
Ətraflı məlumat daha sonra açıqlanacaq.
Tətbiqimizi yükləyə bilərsiniz
