"Son həftə ərzində koronavirus xəstələrinin sayından əlavə xəstəxanalarda yatan koronavirus testinin cavabı neqativ çıxmış və ya cavabı çıxmamış xeyli sayda ikitərəfli pnevmoniyalı ağır xəstələrimiz var".
Yeniavaz.com “report”a istinadla xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva Nazirlər Kabineti yanında Operativ Qərargahın brifinqində çıxışı zamanı deyib.
Onun sözlərinə görə, dünya praktikasına əsaslanaraq onlar COVID-19 xəstəsi kimi qəbul edilib:
“Onlar üçün xəstəxanalar boşaldılıb və hamısı tibbi xidmətlərini alırlar".