Ermənistanın baş naziri Nikol Paşinyan ölkədə olan koronavirus xəstələri barədə danışıb.
Yeniavaz.com xəbər verir ki, Paşinyan bu barədə öz "facebook" səhifəsində məlumat verib. O bildirib ki, elmi araşdırmalar göstərir ki, hazırda Ermənistanda 100 mindən çox infeksiya daşıyıcısı var.
Qeyd edək ki, bir neçə gün əvvəl Paşinyan özünün və ailəsinin COVİD-19-a yoluxduğu xəbərini yaymışdı.
Xatırladaq ki, hazırda Ermənistanda 13130 nəfər koronavirusa yoluxan var. Son sutka ərzində isə 10 nəfər məlum xəstəlik səbəbilə dünyasını dəyişib, 766 nəfər isə həmin virusa yoluxub.