![](https://cdn.yeniavaz.com/uploadedfiles/custom/2020/3/30/1/e80627bd-65a2-4b24-b482-bd3fd1b57c24/yol-polisi-baki-ypx.jpg)
“Gecə saatlarından başlayaraq, xidmətə cəlb olunan əməkdaşlarımız paytaxtın inzibati ərazisinə aid olan bütün küçə, prospekt və yollar tam nəzarətə götürülməklə xidmətlərini davam etdirirlər”.
Yeniavaz.com xəbər verir ki, bu barədə oxu.az-ın sorğusuna cavab olaraq, Bakı şəhər BPİ Dövlət Yol Polisi İdarəsinin bölmə rəisi, polkovnik Vaqif Əsədov məlumat verib.
O bildirib ki, Nazirlər Kabineti yanında operativ qərargahın qərarına uyğun olaraq, sərtləşdirilən məhdudlaşdırılma tədbirləri çərçivəsində daxil olan bütün müraciətlərə həssas yanaşılır: “Köməyə ehtiyacı olanlara dərhal və vaxtında müvafiq köməklik göstərilir. Bu saata qədər onlarla tibbi müdaxilə zərurəti yaranması ilə bağlı daxil olan müraciətlər üzrə həmin şəxslər xəstəxanalara çatdırılıblar”.