Bu ilin yanvar-mart aylarında Azərbaycanda muzdla çalışan işçilərin orta aylıq nominal əmək haqqı 2019-cu ilin müvafiq dövrünə nisbətən 28,9% artaraq 744,5 manat təşkil edib.
Yeniavaz.com açıqlanan rəsmi məlumatlara istinadən bildirir ki, əmək haqqı neft-qaz sektorunda 3 min 830,1 manat, qeyri neft-qaz sektorunda 674,9 manat təşkil edib. Dövlət müəssisələrində çalışan işçilərin əmək haqları 634,5 manat, özəl müəssisələrdə isə 893,1 manat olub.
Mədənçıxarma sənayesində, maliyyə və sığorta fəaliyyəti, peşə, elmi və texniki fəaliyyət, informasiya və rabitə, tikinti, eləcə də nəqliyyat və anbar təsərrüfatı sahələrində orta aylıq nominal əmək haqqı ölkə üzrə orta göstəricidən yüksək olub.
Ən yüksək əmək haqqı mədənçıxarma sənayesində qeydə alınıb - ayda 3 min 798,9 manat, ən aşağı əmək haqqı isə əhaliyə səhiyyə və sosial xidmətlərin göstərilməsi sahəsində qeydə alınıb - ayda 456,2 manat. Bunlardan başqa təhsil sahəsində orta aylıq nominal əmək haqqı 528,7 manat, tikintidə 892,8 manat, maliyyə və sığorta sahəsində 1 707,6 manat, ticarət sektorunda 588 manat, informasiya və rabitə sahəsində 1079,4 manat olub.
2020-ci ilin yanvar-mart aylarında iqtisadi fəaliyyət və mülkiyyət növləri üzrə orta aylıq nominal əməkhaqqı bu cür olub:
| İqtisadi fəaliyyət növləri | CƏMİ | Dövlət | Qeyri-dövlət |
| Ölkə üzrə – cəmi | 744,5 | 634,5 | 893,1 |
| Kənd təsərrüfatı, meşə təsərrüfatı və balıqçılıq | 424,9 | 398,8 | 458,4 |
| Mədənçıxarma sənayesi | 3 798,9 | 1 711,0 | 5 194,5 |
| Emal sənayesi | 688,2 | 814,6 | 662,0 |
| Elektrik enerjisi, qaz və buxar istehsalı, bölüşdürülməsi və təchizatı | 692,7 | 689,0 | 907,6 |
| Su təchizatı, tullantıların təmizlənməsi və emalı | 573,3 | 534,8 | 978,6 |
| Tikinti | 892,8 | 677,1 | 994,3 |
| Ticarət; nəqliyyat vasitələrinin təmiri | 588,2 | 489,5 | 589,0 |
| Nəqliyyat və anbar təsərrüfatı | 903,7 | 904,7 | 902,1 |
| Turistlərin yerləşdirilməsi və ictimai iaşə | 588,0 | 1 171,3 | 568,4 |
| İnformasiya və rabitə | 1 079,4 | 795,5 | 1 464,9 |
| Maliyyə və sığorta fəaliyyəti | 1 707,6 | 1 766,7 | 1 693,9 |
| Daşınmaz əmlakla əlaqədar əməliyyatlar | 715,4 | 575,6 | 833,5 |
| Peşə, elmi və texniki fəaliyyət | 1 145,7 | 660,9 | 1 896,3 |
| İnzibati və yardımçı xidmətlərin göstərilməsi | 530,8 | 495,2 | 588,5 |
| Dövlət idarəetməsi və müdafiə; sosial təminat | 938,4 | 971,7 | 305,5 |
| Təhsil | 528,7 | 519,5 | 844,5 |
| Əhaliyə səhiyyə və sosial xidmətlərin göstərilməsi | 456,2 | 453,1 | 481,0 |
| İstirahət, əyləncə və incəsənət sahəsində fəaliyyət | 512,5 | 470,6 | 1 126,0 |
| Digər sahələrdə xidmətlərin göstərilməsi | 685,9 | 844,8 | 669,4 |
Tətbiqimizi yükləyə bilərsiniz
